wd wp Пошук: ⬜

Том Форд

У Вікіпедыі ёсць артыкулы пра іншых асоб з прозвішчам Форд.

Том Форд (англ.: Tom Ford; нар. 17 жніўня 1983, Глен Парва, графства Лестэршыр, Англія) — англійскі прафесійны гулец у снукер. Пераможца двух нізкарэйтынгавых турніраў серыі PTC і фіналіст рэйтынгавага Пол Хантэр Класік 2016 года. Аўтар трох максімальных брэйкаў.

Стаў прафесіяналам у 2001 годзе ва ўзросце 18 гадоў. У 2003 годзе дэбютаваў у асноўнай стадыі рэйтынгавага турніру на адкрытым чэмпіянаце Брытаніі, а ў 2005 годзе ўпершыню дайшоў да рэйтынгавага чвэрцьфіналу на кубку Мальты. У 2010 годзе дэбютаваў у асноўнай стадыі чэмпіянату свету, саступіўшы Марку Алену ў першым матчы (4:10), а таксама здабыў свой першы прафесійны тытул на турніры серыі PTC у Шэфілдзе. У сезоне 2011/2012 выйграў свой другі нізкарэйтынгавы тытул на этапе PTC у Шэфілдзе і ўвайшоў у топ-32 сусветнага рэйтынгу, дзе нязменна трымаўся да сакавіка 2014 года, а ў наступным сезоне ўпершыню дайшоў да рэйтынгавага паўфіналу на фінальным турніры серыі PTC. У сезоне 2013/2014 у трэці раз дайшоў да чвэрцьфінальнай стадыі рэйтынгавага турніру на адкрытым чэмпіянаце Аўстраліі і падняўся на найвышэйшае для сябе 21-е месца ў рэйтынгу, а таксама ў другі раз патрапіў у асноўную стадыю чэмпіянату свету, дзе ў першым раундзе саступіў Джаду Трампу (8:10). У канцы 2015 года ўпершыню дайшоў да 1/8 фіналу турніру Трайной кароны на чэмпіянаце Вялікабрытаніі, а ў 2016 годзе дайшоў да свайго першага рэйтынгавага фіналу на Пол Хантэр Класік, дзе саступіў Марку Сэлбі (2:4).

У агульнай колькасці займаў 21-ы радок у сусветным рэйтынгу каля аднаго месяца. За сваю прафесійную кар’еру зрабіў больш за 150 соценных брэйкаў і ўваходзіць у топ-40 гульцоў з найбольшай колькасцю соценных серый у гісторыі снукера, а таксама зарабіў больш за 400 тысяч фунтаў стэрлінгаў прызавых грошай.

Фіналы турніраў

Рэйтынгавыя турніры: 1 (1 параза)

Легенда
Чэмпіянат свету (0:0)
Чэмпіянат Вялікабрытаніі (0:0)
Іншыя (0:1)

№	Вынік	Год	Турнір	Апанент у фінале	Лік
1	Параза	2016	Пол Хантэр Класік	Сэлбі, Марк Марк Сэлбі	2:4

Нізкарэйтынгавыя турніры: 3 (2 перамогі, 1 параза)

№	Вынік	Год	Турнір	Апанент у фінале	Лік
1	Перамога	2010	Players Tour Championship 2010/2011 – Этап 3	Лісоўскі, Джэк Джэк Лісоўскі	4:0
2	Перамога	2011	Players Tour Championship 2011/2012 – Этап 11	Гоўлд, Мартын Мартын Гоўлд	4:3
3	Параза	2015	Адкрыты чэмпіянат Рыгі	Хокінс, Бары Бары Хокінс	1:4

Прафесійныя снукерныя турніры: 4 (2 перамогі, 2 паразы)

Легенда
Рэйтынгавыя турніры (0:1)
Нізкарэйтынгавыя турніры (2:1)
Нярэйтынгавыя турніры (0:0)
Турніры з альтэрнатыўным фарматам (0:0)

Вынік	ПДВ	Дата	Турнір	Апанент у фінале	Лік
Перамога	1	8 жніўня 2010	Players Tour Championship 2010/2011 – Этап 3, Шэфілд, Англія	Лісоўскі, Джэк Джэк Лісоўскі	4:0
Перамога	2	19 снежня 2011	Players Tour Championship 2011/2012 – Этап 11, Шэфілд, Англія	Гоўлд, Мартын Мартын Гоўлд	4:3
Параза	1	2 жніўня 2015	Адкрыты чэмпіянат Рыгі, Рыга, Латвія	Хокінс, Бары Бары Хокінс	1:4
Параза	2	28 жніўня 2016	Пол Хантэр Класік, Фюрт, Германія	Сэлбі, Марк Марк Сэлбі	2:4

Зноскі

↑ http://www.glenparvaparishcouncil.org.uk/uploads/glen-parva-history-v13.do

Спасылкі

Профiль на World Snooker (англ.)
Статыстыка Тома Форда на CueTracker.net (англ.)