wd wp Пошук:

Тамара Іванаўна Паследняя

Тамара Іванаўна Паследняя (нар. 14 красавіка 1960, в. Куклічы Свіслацкага раёна Гродзенскай вобласці) — беларускі дзяржаўны дзеяч, член Савета Рэспублікі Нацыянальнага сходу Рэспублікі Беларусь 5-га склікання.

Біяграфія

Скончыла Гродзенскі дзяржаўны ўніверсітэт (матэматык), Маскоўскі дзяржаўны адкрыты ўніверсітэт (эканоміка і кіраванне ў галінах хіміка-ляснога комплексу, інжынер-эканаміст). Мае патэнт на карысную мадэль.

Працавала настаўнікам матэматыкі Дзяшкоўскай васьмігадовай школы Свіслацкага раёна, выхавальнікам ясляў-сада № 54 г. Гродна, бухгалтарам бухгалтэрыі дзіцячых садоў, эканамістам фінансавага аддзела, старшым бухгалтарам жыллёва-эксплуатацыйнага ўпраўлення, бухгалтарам па ўліку фондаў эканамічнага стымулявання, бухгалтарам-рэвізорам, намеснікам галоўнага бухгалтара Гродзенскага вытворчага рэспубліканскага ўнітарнага прадпрыемства «ГВА Азот», намеснікам галоўнага бухгалтара, начальнікам фінансавага аддзела, намеснікам генеральнага дырэктара па эканоміцы і інвестыцыях адкрытага акцыянернага таварыства «Гродна Азот».

Першы намеснік генеральнага дырэктара — намеснік генеральнага дырэктара па эканоміцы і фінансах адкрытага акцыянернага таварыства «Гродна Азот».

Выбіралася членам Савета Рэспублікі Нацыянальнага сходу Рэспублікі Беларусь 5-га склікання[1].

Узнагароды

Мае падзяку адкрытага акцыянернага таварыства «Гродна Азот».

Узнагароджана юбілейнымі медалямі «70 год вызвалення Рэспублікі Беларусь ад нямецка-фашысцкіх захопнікаў», «70 гадоў Перамогі ў Вялікай Айчыннай вайне 1941—1945 гг.», Ганаровай граматай Нацыянальнага сходу Рэспублікі Беларусь, Ганаровай граматай Савету Міністраў Рэспублікі Беларусь, ганаровымі граматамі Гродзенскага аблвыканкама, Гродзенскага гарвыканкама, ганаровай граматай і знакам «Ганаровы хімік» Беларускага дзяржаўнага канцэрна па нафце і хіміі[2].

Зноскі

  1. Паследняя Тамара Іванаўна Архівавана 18 жніўня 2020.
  2. ПАРЛАМЕНТ — Нацыянальны сход Рэспублікі Беларусь пятага склікання Архівавана 20 кастрычніка 2021.
Тэмы гэтай старонкі (16):
Катэгорыя·Узнагароджаныя Ганаровай граматай Нацыянальнага сходу Рэспублікі Беларусь
Катэгорыя·Выпускнікі Гродзенскага дзяржаўнага ўніверсітэта імя Янкі Купалы
Катэгорыя·Нарадзіліся ў 1960 годзе
Катэгорыя·Узнагароджаныя медалём «70 гадоў Перамогі ў Вялікай Айчыннай вайне 1941-1945 гг.»
Катэгорыя·Эканамісты Беларусі
Катэгорыя·Вікіпедыя·Біяграфіі сучаснікаў
Катэгорыя·Члены Савета Рэспублікі Нацыянальнага сходу Рэспублікі Беларусь 5-га склікання
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы
Катэгорыя·Узнагароджаныя медалём «70 год вызвалення Рэспублікі Беларусь ад нямецка-фашысцкіх захопнікаў»
Катэгорыя·Нарадзіліся 14 красавіка
Катэгорыя·Асобы
Катэгорыя·Нарадзіліся ў Свіслацкім раёне
Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»
Катэгорыя·Узнагароджаныя Ганаровай граматай Савета Міністраў Рэспублікі Беларусь