Сілы народнай мабілізацыі (араб. الحشد الشعبي, Хашд аш-Шаабi) — кааліцыя, якая складаецца з шыіцкіх, езідскіх і хрысціянскіх міліцый, што змагаюцца на баку іракскага ўрада супраць ІД[2], скарочана PMF. Кааліцыя спансуецца дзяржавай і ўяўляе сабой парасонавую арганізацыю з 40, у асноўным шыіцкіх, міліцый. Аднак у ейным складзе маюцца таксама хрысціянскія, суніцкія і езідскія групоўкі[3]. Яна была сфарміравана ў мэтах разгортвання барацьбы супраць ІД. Арганізацыя была створана шляхам фармальнага аб’яднання існуючых на той момант ірэгулярных частак баевікоў пад эгідай іракскага міністэрства ўнутраных спраў у чэрвені 2014 года[4].
Па дадзеных The National Interest, з 100 тысяч байцоў прыкладна 80 працэнтаў у той ці іншай меры падтрымліваюцца элітным іранскім Корпусам Вартавых Ісламскай рэвалюцыі (КВІР)[5]. Некаторыя кіраўнікі груповак, напрыклад, Абу Махдзі аль-Мухандзіс (кіраўнік Катаіб Хезбала), прызнаныя тэрарыстамі ў ЗША. Да таго ж Катаіб Хезбала ўдзельнічала ва ўзброеным супрацьдзеянні амерыканскай акупацыі Ірака[6].
19 лютага 2018 на калону з васьмі аўтамабіляў Хашд Шаабi напалі баевікі ІД. Каля 30 чалавек былі забітыя або патрапілі ў палон, сярод іх было 6 палявых камандзіраў з аховай[7][8].
3 студзеня амерыканская авіяцыя нанесла авіяўдар па міжнародным аэрапорце Багдада, у адказ на напад на пасольства ў Іраку. У выніку бамбавання загінулi іранскі генерал Касем Сулеймані і лiдар Катаiб Хезбала Абу Мухандзіс[9][10].