Сярге́й Сямё́навіч Бірузо́ў (8 (21) жніўня 1904 — 19 кастрычніка 1964) — савецкі военачальнік, Маршал Савецкага Саюза (1955), Герой Савецкага Саюза (1958), начальнік Генштаба Узброеных сіл СССР (1963—1964).
Нарадзіўся 8 (21) жніўня 1904 ў Скопіне Разанскай губерні, «з сям’і гандляра», рускі. У 1917 г. скончыў парафіяльную школу, у 1926 г. — Аб’яднаную школу ім. УЦВК, у 1929 г. — 2 курса Вячэрняга працоўнага ўніверсітэта, у 1937 г. скончыў Ваенную акадэмію ім. М. В. Фрунзэ з дыпломам 1 ступені.
У РСЧА уступіў добраахвотна 15 верасня 1922 года: камандзір узвода (верасень 1926 года — снежань 1929 г.), камандзір роты (па чэрвень 1930 г.), начальнік штаба вучэбнага батальёна (па красавік 1932 г.), камандзір батальёна (па чэрвень 1934 г.), начальнік штаба стралковай дывізіі (кастрычнік 1937 года — красавік 1938 г.), начальнік аддзела ў штабе Харкаўскай ваеннай акругі (па жнівень 1939 г.). З жніўня 1939 года камбрыг Бірузоў — камандзір 132-й стралковай дывізіі.