Сяргей Мікалаевіч Дзікун (27 снежня 1930, в. Кнышэвічы, Светлагорскі раён, Гомельская вобласць — 7 лістапада 1978, г. Шклоў) — партыйны дзеяч БССР, Герой Сацыялістычнай Працы (1971).
У 1940 годзе закончыў Парыцкую СШ і паступіў у Ленінградскае авіяцыйна-тэхнічнае вучылішча. Пасля яго заканчэння служыў у Чырвонай Арміі.
Ветэран Вялікай Айчыннай вайны. Удзельнік абароны Сталінграда, вызвалення Беларусі, штурму Берліна.
Закончыў Рэспубліканскую партыйную школу пры ЦК КПБ. Працаваў прапагандыстам Бабруйскага абкама партыі, загадчыкам парткабінета аддзела прапаганды і агітацыі, сакратаром, другім сакратаром Старобінскага і Кіраўскага РК КПБ.
На пасадзе першага сакратара Шклоўскага РК КПБ з 1961 года. За ўмелае кіраўніцтва сельскагаспадарчай вытворчасцю раёна ў 1971 годзе прысвоена званне Героя Сацыялістычнай Працы.
У 1978 годзе зацверджаны старшынёй партыйнай камісіі пры Магілёўскім абласным камітэце КПБ. Прымаў актыўны ўдзел у грамадска-палітычным жыцці, карыстаўся павагай і даверам працоўных.