Сярге́й Алякса́ндравіч Кара́кін (руск.: Сергей Александрович Карякин; нар. 12 студзеня 1990, Сімферопаль, Крымская вобласть, Украинская ССР, СССР) — расійскі (раней — украінскі) шахматыст, гросмайстар (2003).
Ва ўзросце 12 гадоў і 211 дзён стаў самым маладым гросмайстарам у гісторыі[9], занесены ў Кнігу рэкордаў Гінэса. У 2016 годзе атрымаў перамогу ў турніры прэтэндэнтаў і стаў супернікам дзеючага чэмпіёна свету Магнуса Карлсена ў матчы за званне чэмпіёна свету па шахматах 2016 года[10]. Уладальнік Кубка свету ФІДЭ 2015 года[11]. Чэмпіён свету па хуткіх шахматах (Астана, 2012), чэмпіён свету па бліцу (Доха, 2016).
Заслужаны майстар спорту Украіны (2005)[12]. Заслужаны майстар спорту Расіі (2014)[13], гросмайстар Расіі (2011)[14].
Узнагароджаны Ордэнам «За заслугі» ІІІ ступені (2004)[15]. Член Грамадскай палаты Расійскай Федэрацыі VI складу.
На Вікісховішчы ёсць медыяфайлы па тэме Сяргей Аляксандравіч Каракін