Сцяпан Пятровіч Шупеня (10 лістапада 1896, вёска Нача, Крупскі раён — 10 жніўня 1979) — адзін з кіраўнікоў партыйнага падполля і партызанскага руху ў Баранавіцкай вобласці.
член КПСС з 1926 года. З 1918 года ў Чырвонай Арміі, удзельнік грамадзянскай вайны. У 1935 годзе скончыў Камуністычны універсітэт нацыянальных меньшасцяў Захаду імя Мархлеўскага. У 1940—41 1-ы сакратар Шчучынскага РК КП(б)Б. З ліпеня 1941 года ў тыле ворага. З 1942 года ўпаўнаважаны ЦК КП(б)Б і ЦШПР па Шчучынскаму раёну; у красавіку — снежні 1943 года кіраўнік Шчучынскага падпольнага міжрайпартцэнтра, у лістападзе 1943 — ліпені 1944 гадоў сакратар Шчучынскага падпольнага РК КП(б)Б, адначасова з красавіка 1943 года — камандзір Шчучынскага партызанскага злучэння; з 19 сакавіка 1943 да ліпеня 1944 — член Баранавіцкага падпольнага абкама КП(б)Б. З 1944 года на партыйнай і савецкай рабоце. Член ЦК КПБ у 1949—56, кандыдат у члены ЦК КПБ у 1956—60 гадах. Дэпутат Вярхоўнага Савета СССР у 1954—60 гадах, Вярхоўнага Савета БССР у 1947—59 гадах.
Яго імя прысвоена сярэдняй школе вёскі Орля Шчучынскага раёна; на будынку школы ўстаноўлена мемарыяльная дошка. Ганаровы грамадзянін горада Шчучын.