Сцяпан Канстанцінавіч Дзесюкевіч (14 студзеня 1913, вёска Магільна, Уздзенскі раён — 8 лютага 1979) — адзін з кіраўнікоў партыйнага падполля і партызанскага руху ў Баранавіцкай вобласці.
Член КПСС з 1932 года. Скончыў Вышэйшую Партыйную Школу пры ЦК ВКП(б)Б (1949). У партызанах з кастрычніка 1942 года: камандзір аддзялення, палітрук роты, з красавіка 1943 года ўпаўнаважаны міжрайкама КП(б)Б Слуцкай зоны па Ляхавіцкім раёне, у верасні 1943 — ліпені 1944 гадоў сакратар Ляхавіцкага падпольнага РК КП(б)Б, адначасова ў студзені — ліпені 1943 года камісар 19-й партызанскай брыгады імя В. М. Молатава. З 1944 года на партыйнай і савецкай рабоце. Кандыдат у члены ЦК КПБ ў 1954—1959 гадах. Яго іменем названа вуліца ў Ляхавічах.