У Вікіпедыі ёсць артыкулы пра іншых асоб з прозвішчам Турчак. Стэфан Васілевіч Турчак (укр.: Стефан Васильович Турчак; 28 лютага 1938-23 кастрычніка 1988) — украінскі дырыжор, педагог. Герой Сацыялістычнай Працы (1988). Народны артыст СССР (1977). Лаўрэат Дзяржаўнай прэміі Украінскай ССР імя Шаўчэнкі (1980) і Дзяржаўнай прэміі Грузінскай ССР ім. З. Паліяшвілі (1973).
Нарадзіўся 28 лютага 1938 года ў вёсцы Мацкавічы, блізу Пшэмыслі (цяпер у гміне Журавіца, Падкарпацкае ваяводства, Польшча). Дзяцінства і юнацтва прайшлі ў Дублянах. У 1955 годзе скончыў Львоўскае музычна-педагагічнае вучылішча ім. Ф. М. Калесы.
Пасля заканчэння вучылішча працаваў настаўнікам музыкі і спеваў у Сакальскім педагагічным вучылішчы. У 1957 годзе паступіў ў Львоўскую кансерваторыю імя М. В. Лысенкі) у клас дырыжыравання Н. Ф. Калесы, якую скончыў у 1962 годзе.
Падчас вучобы, у 1960—1962 гадах — дырыжор Львоўскага опернага тэатра.
У 1962 г. пераехаў у Кіеў.
У 1963—1967 і 1973—1977 гадах — галоўны дырыжор Дзяржаўнага сімфанічнага аркестра Украінскай ССР.