Стэбнык[1] (укр.: Стебник) — горад раённага значэння ў Драгобыцкім раёне Львоўскай вобласці Украіны, адміністрацыйна з’яўляецца часткай горада Драгобыч і ўваходзіць у склад Драгобыцка-Барыслаўскай агламерацыі.
Размешчаны ў Львоўскай вобласці ў Драгобыцка-Барыслаўскім прамысловым раёне і аднайменнай агламерацыі ў 8 км на паўднёвы захад ад раённага цэнтра Драгобыча, у 4 км ад Трускаўца. Чыгуначная станцыя на лініі Драгобыч-Трускавец. Гарадскому савету Стэбныка падпарадкаваныя населеныя пункты Колпец і Салец.
Горад вядомы адным з найбуйнейшых ва Украіне радовішчаў калійных соляў, якое, аднак, з прычыны экалагічнай катастрофы 1983 г. не эксплуатуецца.
Стэбніцкае радовішча калійных солей — адно з найбуйнейшых ва Украіне радовішчаў калійных соляў (здабыча спынена). Радовішча плошчай каля 30 км2 на 1986 год налічвала запасы калійных руд ў аб’ёме 1,1 млрд. тон. Стэбніцкі ГГХП «Полімінерал» — адзінае прадпрыемства, якое распрацоўвала гэта радовішча, — практычна не дзейнічае, горныя работы спыненыя.
У горадзе дзейнічае аднайменнае прыватнае прадпрыемства, якое выкарыстоўвае ў назве адну з папярэдніх назваў Дзяржаўнага горна-хімічнага прадпрыемства «Полімінерал» — ТАА «Стэбніцкі калійны завод» - вытворца калійных угнаенняў.
Стэбніцкі асфальта-бетонны завод паблізу 2 ліфта рудніка № 1. Стебницкий бетонны завод. Гліняны кар’ер у мікрараёне Салец. Паблізу кар’ера быў склад. Калісці гэтая глыбокая яма была возерам. Але пасля катастрофы 1983 г. адтуль адкачалі ўсю ваду.