Станіслаў Антонавіч Багданке́віч (нар. 1 студзеня 1937, вёска Шапавалы, Валожынскі павет, Навагрудскае ваяводства, Польская Рэспубліка) — беларускі эканаміст і палітычны дзеяч. Доктар эканамічных навук, прафесар.
Скончыў Пінскі ўлікова-крэдытны тэхнікум, Маскоўскі фінансава-эканамічны інстытут. У 1991—1995 — старшыня праўлення Нацыянальнага банка Рэспублікі Беларусь. Дэпутат Вярхоўнага Савету Беларусі ХІІІ склікання, лідар фракцыі «Грамадзянскае дзеянне» (1995—1996). Член Аб’яднанай грамадзянскай партыі, яе старшыня з 1995 да 2000, з 2000 году — ганаровы старшыня.