wd wp Пошук:
    ⬜

    Спірэя вербалістая

    Спірэя вербалістая[3] (Spiraea salicifolia) — кветкавая расліна, тыпавы від роду Спірэя (Spiraea) сямейства Ружавыя (Rosaceae). Натуральны арэал знаходзіцца ва ўмераным поясе Еўразіі[4].

    Вырошчваецца як дэкаратыўная расліна, пераважна ў жывых агароджах. Меданос.

    Назва

    Спірэя вербалістая, медуніца, спырнік[5][6], шпырнік балотны[7], спірэя[8].

    Апісанне

    Марозаўстойлівы прамы куст са шчыльнай круглявай кронай, утворанай рабрыстымі парасткамі. Расце на вільготных і пераўвільготненых глебах. У вышыню вырастае да 1,5—2 м. Перыяд цвіцення чэрвень-жнівень.

    Парасткі Парасткі голыя, злёгку кантаваныя, чырванавата-бура-жоўтага колеру, растуць прама ўверх.

    Лісце Лісце падоўжана-ланцэтнае, востраканцовае, голае, на кароткіх хвосціках. Аснаванне клінападобнае. Вострапільчатыя краі могуць мець вейчыкі. Колер верхняга боку лісця цёмна-зялёны, ніжняга — светла-зялёны. Даўжыня звычайна ад 4, 5 см да 7 см, радзей дасягае 11 см. Іх шырыня 1,5—2,5 см.

    Кветкі Колер ружовы. Суквецці — мяцёлкі, якія растуць на канцах галін, да 12 см у даўжыню. Маюць вузкапірамідальную, надыходзячую да цыліндрычнай, форму.

    Зноскі

    1. ↑ Ужываецца таксама назва Пакрытанасенныя.
    2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
    3. ↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 126. — 160 с. — 2 350 экз.
    4. ↑ Спірэя вербалістая: інфармацыя на сайце GRIN
    5. ↑ Антонов А. А. О врачебных растениях, дикорастущих в Витебской губернии и употребляемых населением ее в домашней народной медицине. Витебск, 1888.
    6. ↑ Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927.
    7. ↑ З. Верас, Беларуска-польска-расейска-лацінскі ботанічны слоўнік, Выданне газеты «Голас беларуса», Друкарня С. Бэкэра. Вiльня, Субач 2, 1924.
    8. ↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927.

    Спасылкі

    Тэмы гэтай старонкі (7):
    Катэгорыя·Расліны, апісаныя ў 1753 годзе
    Катэгорыя·Спірэя
    Катэгорыя·Флора Еўразіі
    Катэгорыя·Расліны паводле алфавіта
    Катэгорыя·Дэкаратыўныя кусты
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Меданосныя расліны