Соя[4] (Glycine) — род раслін сямейства Бабовыя. Радзімай соі з’яўляецца Усходняя Азія.
Большасць відаў соі — шматгадовыя павойныя расліны, распаўсюджаныя ў тропіках і субтропіках ад Афрыкі, Паўднёвай Азіі і Аўстраліі да Акіяніі. Аднак калі гаворка ідзе пра сою, то звычайна маюць на ўвазе найбольш вядомы від — соя культурная (Glycine max (L.) Merr.).
Насенне культурнай соі, часам званае «соевымі бабамі» (ад англ.: Soya bean, soybean) — шырока распаўсюджаны прадукт харчавання, вядомы яшчэ ў трэцім тысячагоддзі да н. э.