У гэтага паняцця ёсць і іншыя значэнні, гл. Смаржок (значэнні). Смаржок[1][2], Змаршчок[3], Смаршчок, Асялок, Храпач[4] (Morchella) — род грыбоў сямейства Смаржковыя (Morchellaceae). Налічвае 15 відаў.
Цела вельмі порыстае. Афарбоўка часцей за ўсё карычняватая. Смаржок лічыцца ўмоўна ядомым грыбам (усе віды роду ядомыя), але для выкарыстання ў ежу патрабуецца працяглая тэрмічная апрацоўка.
Пашыраны ва ўмераным поясе Паўночнага паўшар’я і ў Аўстраліі. На тэрыторыі Беларусі найчасцей трапляюцца смаржок канічны (Morchella conica) і смаржок сапраўдны (Morchella esculenta) (ядомы)).