Се́чна, Сешня[1] — рака ў Беларусі, у Шумілінскім раёне Віцебскай вобласці, правы прыток ракі Заходняя Дзвіна.
Даўжыня ракі 21 км. Плошча вадазбору 166 км². Выцякае з возера Дабееўскае за 0,5 км ад вёскі Ільінцы. Упадае ў Заходнюю Дзвіну каля вёскі Ерашова. Рэчышча на працягу 7 км ад вытоку каналізаванае. У раку ўпадаюць ручаі і меліярацыйныя каналы. Асноўны прыток — ручай Звездзік (леваруч).
У басейне Сечны азёры Каланец, Клімаўскае. Уздоўж ракі населеныя пункты Вялікія Ляжні, Мяхі, Жалудова, Мішкавічы, Абалонне, Ярашова.