wd wp Пошук: ⬜

Свінуха тонкая

Свіну́ха тонкая, Паддубняк, Свінарка[1] (Paxillus involutus) — шапкавы базідыяльны грыб з роду Свінуха (Paxillus) сямейства Свінухавыя (Paxillaceae).

Біялагічнае апісанне

Пладовае цела грыба — шапка на ножцы. Шапка мае дыяметр 6—18 см, спачатку пукатая, пазней пляскатая або ўвагнутая, з загнутым уніз краем. Колер шапкі жаўтавата-бураваты або буры. Мякаць рыхлая, бураватая, без асаблівага паху. Пласцінкі тоўстыя, жаўтавата-бураватага або аліўкава-вохрыстага колеру. Ножка цыліндрычная, суцэльная, даўжынёй 8—10 см і 1—1,5 см у дыяметры. Споры гладкія, вохрыста-бураватыя.

Арэал

Распаўсюджаны на тэрыторыі Еўропы і Азіі. Расце ў вільготных лясах, рэдкалессі, зрэдку каля пнёў, у парках, на агародах і інш. Пладаносіць з чэрвеня па кастрычнік.

Ядомасць

Свінуха тонкая лічылася ўмоўна-ядомым грыбам пасля тэрмічнай апрацоўкі. У 1981 годзе забаронена для продажу на тэрыторыі СССР [2]. У цяперашні час выключана з пераліку ядомых грыбоў[3].

Зноскі

↑ Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с. — у крыніцы пад назвай Agaricus involutus
↑ Свинушка тонкая(руск.)
↑ Свинушка тонкая, или свинушка тонконогая, или свиное ухо, или дунька — Paxillus involutus (Fr.) Fr. // Экологический центр «Экосистема»(руск.)

Літаратура

Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина. — Мн.: Вышэйшая школа, 1978. — С. 58. — 192 с. — 60 000 экз.(руск.)
Гапіенка В. С. Свінуха // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз. — С. 466.

Спасылкі

Свинушка тонкая, или свинушка тонконогая, или свиное ухо, или дунька — Paxillus involutus (Fr.) Fr. // Экологический центр «Экосистема»(руск.)