wd wp Пошук: ⬜

Святагорскі Успенскі манастыр у Пушкінскіх Гарах

У гэтага паняцця ёсць і іншыя значэнні, гл. Святагорскі манастыр.

Святаго́рскі Свя́та-Успе́нскі манасты́р — праваслаўны мужчынскі манастыр у пасёлку Пушкінскія Горы Пскоўскай вобласці (Расія). Помнік архітэктуры 16—19 ст.

Размяшчаецца на Святых (былых Сінічых) гарах. Уваходзіць у склад Музея-запаведніка Пушкіна.

На тэрыторыі манастыра знаходзіцца магіла А. С. Пушкіна і яго продкаў.

Гісторыя

Манастыр заснаваны ў 1569 годзе як мужчынскі на Сінічых гарах. Пасля 1918 у саборы была экспазіцыя, прысвечаная Пушкіну. У Вялікую Айчынную вайну манастыр быў моцна пашкоджаны. Адноўлены. З 1990-х гадоў храм дзейнічае. Святагорскі манастыр уваходзіць у склад Музея-запаведніка Пушкіна.

Архітэктура

Ансамбль манастыра абнесены пабеленымі каменнымі сценамі і Анастасіеўскай і Святой брамамі.

На вяршыні ўзгорка — мураваны 4-стаўповы 3-апсідны 1-купальны Успенскі сабор (16 ст.) з традыцыйнымі рысамі Пскоўскай школы дойлідства. У ветразевых скляпеннях і верхняй частцы праслаў сабора ўстаноўлены галаснікі.

У ансамбль Святагорскага манастыра ўваходзяць таксама званіца ў стылі класіцызму (завершана ў 1821; у яе верхнім ярусе размяшчаўся гадзіннік), брацкі корпус з трапезнай, гасцініца.

Літаратура

Лаўрэцкі Г. А. Святагорскі манастыр // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 274. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Святогорский-Успенский мужской монастырь // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.