Сатаніў[1] (укр.: Сатанів) — пасёлак гарадскога тыпу ў Гарадоцкім раёне Хмяльніцкай вобласці Украіны на рацэ Збруч. Мястэчка размешчана на тэрыторыі нацыянальнага прыроднага парку “Падольскія Тоўтры”, вядома з 1404 г., магдэбургскае права мае з 1641 г. Каля Сатанава размешчана радовішча мінеральных вод. У мястэчку захавалася шмат помнікаў даўніны, сярод якіх замак XIV-XVI ст., помнікі культавай і свецкай архітэктуры XV-ХІХ ст., габрэйскія могілкі XVI ст. і інш.