У гэтага паняцця ёсць і іншыя значэнні, гл. Рэутаў (значэнні). Рэутаў[3] (руск.: Ре́утов) — горад (з 1940) у Маскоўскай вобласці Расійскай Федэрацыі, навукаград. З’яўляецца адзіным населеным пунктам у аднайменнай гарадской акрузе.
Насельніцтва — 99 989 чал. (2017). Мяжуе з усходняй ускраінай Масквы. З поўначы ён мяжуе з шашой Энтузіястаў, з усходу — з Балашыхай, з поўдня — з маскоўскім раёнам Навакасіно, з захаду — з раёнамі Новагірэева і Іванаўскае (падзеленыя МКАД).