Рэймскі ўніверсітэт (фр.: Université de Reims), поўная афіцыйная назва Шампань-Ардэнскі ўніверсітэт Рэймса (фр.: Université de Reims-Champagne-Ardenne) — французская дзяржаўная вышэйшая навучальная ўстанова са статусам універсітэта з сядзібай у горадзе Рэймс.
Нягледзячы на тое, што ўніверсітэт у Рэймсе мае даўнія карані, ён існуе ў сваім сучасным выглядзе з 1 студзеня 1967 года. Першы Рэймскі ўніверсітэт быў створаны ў 1548 годзе кардыналам Шарлем дэ Гізам, які канфліктаваў з Папам Паўлам III. Універсітэт закрылі ў 1793 годзе падчас Вялікай французскай рэвалюцыі.