Рымберт (ням.: Rimbert; памёр 11 чэрвеня 888, Брэмен) — архібіскуп гамбург-брэменскі (865—888), агіёграф.
Рымберт нарадзіўся і выхоўваўся ў наваколлях кляштара Турхальц (Торхаўт, нідэрл.: Torhout)[5], дзе яго заўважыў святы Ансгар. Пасля смерці апошняга ў 865 годзе Рымберт стаў другім гамбург-брэменскім архібіскупам. Кіраваў дыяцэзіяй аж да сваёй смерці ў 888 годзе. Быў аўтарам жыція свайго папярэдніка на кафедры — Святога Ансгара[6]. Вядомыя таксама два яго лісты: «Пра сабакагаловых людзей» і «Пра шлюбы паміж сваякамі»[7].