Роберт Хенры (Хенрай) (англ.: Robert Henri; 25 чэрвеня 1865, Цынцынаты — 12 ліпеня 1929) — амерыканскі мастак, заснавальнік амерыканскага рэалізму XX ст.
Вучыўся ў Пенсільванскай акадэміі мастацтваў у Філадэльфіі (1885-88), акадэміі Жуліяна і Школе прыгожых мастацтваў у Парыжы (1888-90). У 1891-95 гадах працаваў у Філадэльфіі, у 1895-99 гадах у Еўропе, пазней у Нью-Ёрку. Член групы «Васьмёрка», заснавальнік рэалістычнай «школы смеццевай скрынкі». Сярод твораў «Хлопчык смяецца» (1907), «Маскарадная сукенка» (1911).