У Вікіпедыі ёсць артыкулы пра іншых асоб з прозвішчам Жулінскі. Раман Жулі́нскі (польск.: Roman Żuliński; пам. 5 жніўня 1864 года ў Варшаве) — польскі настаўнік (матэматык), член адміністрацыі Нацыянальнага ўрада падчас паўстання 1863—1864 гадоў.
Брат Тадэвуша, Юзафа Ансельма і Казіміра.
Быў сябрам «белых». Падчас паўстання 1863 года быў дырэктарам аддзела пошты ва ўрадах Караля Маеўскага і Рамуальда Траўгута. Арыштаваны 6 сакавіка 1864 года, быў вязнем Х павільёна Варшаўскай цытадэлі. 30 ліпеня прыгавораны смерцю на шыбеніцы, павешаны быў 5 жніўня каля цытадэлі, разам з Траўгутам, Юзафам Тачыскім, Рафалам Краеўскім і Янам Езяранскім.
Напісаў падручнік Zasady rachunku różniczkowego i całkowego (1859).