Рага́цік[1], клаварыядэльфус (Clavariadelphus») — род базідыяльных грыбоў сямейства Рагацікавыя (Clavariadelphaceae).
Пладовае цела грыба булавападобнай формы.
Грыбы роду распаўсюджаны ва ўмераных абласцях Еўразіі, Японіі і Паўночнай Амерыкі. Пладовыя целы з’яўляюцца ў ліпені—верасні ў хвойных мяшаных лясах на глебе, апалай ігліцы і лісці, часам сярод імхоў.
Рагацік песцікавы (Clavariadelphus pistillaris) занесены ў Чырвоную кнігу Беларусі. Ахоўваецца на тэрыторыі Літвы, Латвіі, Расіі, Украіны і Польшчы[2].
Род налічвае 7 відаў і шэраг разнавіднасцей [1] (22[3]).
На тэрыторыі Беларусі сустракаюцца 2 віды: Рагацік язычковы (Clavariadelphus ligula) і Рагацік песцікавы (Clavariadelphus pistillaris)[1].