Пірэтрум[1] (Pyréthrum) — у цяперашні час скасаваны род шматгадовых травяністых раслін сямейства Астравыя, ці Складанакветныя (Asteraceae). Уключаў віды, якія цяпер адносяцца, у асноўным, да роду Піжма (Tanacetum), агульнай прыкметай якіх з’яўляецца наяўнасць белых або ружовых язычковых кветак у кошыках.
Сваю навуковую назву род атрымаў з-за карысных уласцівасцяў некаторых сваіх прадстаўнікоў, яна паходзіць ад грэчаскага слова pyretos («жар», «ліхаманка»). Партэналід, актыўнае рэчыва, якое змяшчаецца ў расліне, даследуецца на прадмет тэрапеўтычнай актыўнасці.
У род таксама ўключаўся цэлы шэраг відаў, канчатковае становішча якіх у сістэматыцы ў цяперашні час не вызначана.