Піндушы (руск.: Пи́ндуши, карэл.: Pinduši, фінск.: Pinduinen) — пасёлак гарадскога тыпу ў Мядзведжагорскім раёне Рэспублікі Карэлія, адміністрацыйны цэнтр Піндушскага гарадскога паселішча. Размешчаны на беразе Анежскага возера (губа Лумбуша), за 7 км на ўсход ад чыгуначнай станцыі Мядзведжая Гара (на лініі Санкт-Пецярбург — Мурманск), за 160 км на поўнач ад Петразаводска. Узнік у 1933 годзе разам з будаўніцтвам суднаверфі як пасёлак пры лагерным аддзяленні Белбалтлага. За 5 км ад пасёлка знаходзяцца могілкі Сандармох.
У раёне пасёлка ў гады Савецка-фінскай вайны (1941—1944) вяліся цяжкія баі.
Статус пасёлка гарадскога тыпу — з 1950 года.