wd wp Пошук: ⬜

Пётр Яфімавіч Пракопаў

У Вікіпедыі ёсць артыкулы пра іншых асоб з прозвішчам Пракопаў.

Пётр Яфімавіч Пракопаў (13 верасня 1909, Старая Мілееўка, Магілёўскі раён — 1980) — беларускі вучоны ў галіне агульнага земляробства і раслінаводства. Член-карэспандэнт АН БССР (1950), доктар сельскагаспадарчых навук (1960), прафесар (1963). Заслужаны дзеяч навукі БССР (1968).

Біяграфія

Скончыў Беларускую сельскагаспадарчую акадэмію ў 1931 годзе. З 1946 года і з 1953 года — у Інстытуце сацыялістычнай сельскай гаспадаркі АН БССР, з 1950 года — у Міністэрстве сельскай гаспадаркі БССР (з 1961 года — начальнік упраўлення). З 1969 года працаваў загадчыкам аддзела севазваротаў і апрацоўкі глебыу Беларускага НДІ земляробства. У 1961—1969 гадах — старшыня Беларускага навуковага таварыства сельскай гаспадаркі. З 1974 года — навуковы кансультант Беларускага НДІ земляробства.

Навуковая дзейнасць

Навуковыя працы па ўкараненні ў сельскагаспадарчую вытворчасць найбольш рацыянальных севазваротаў і эфектыўных прыёмаў апрацоўкі дзярнова-падзолістых глеб, па прадукцыйнасці сельскагаспадарчых культур. Абагульніў вынікі даследаванняў па скарыстанні ва ўмовах Беларусі прамежкавых культур і занятага папару.

Сярод апублікаваных прац:

Правила севооборота и рационального использования земли — Мн., 1973.
Основы севооборота в северо-западных и западных районах СССР — Л., 1974 (разам з М. Ф. Сціхіным).

Зноскі

Літаратура

Пракопаў Пётр Яфімавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — С. 546. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.
Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — С. 250. — 599 с., іл. — 10 000 экз.

Спасылкі

Пётр Яфімавіч Пракопаў у базе ЦНБ НАН Беларусі «Гісторыя беларускай навукі ў асобах»