Пётр Пятровіч Забрэйка (3 лютага 1939, Варонеж, Расія — 21 сакавіка 2019, Мінск) — савецкі і беларускі матэматык. Доктар фізіка-матэматычных навук (1968), прафесар (1970).
Скончыў Варонежскі дзяржаўны ўніверсітэт (механіка-матэматычны факультэт, 1961; аспірантура, 1963).
Працаваў у Варонежскім дзяржаўным універсітэце (з 1963), Яраслаўскім дзяржаўным універсітэце (1971—1981), Беларускім дзяржаўным універсітэце (з 1981, механіка-матэматычны факультэт, кафедра функцыянальнага аналізу і аналітычнай эканомікі, прафесар, у 1988—2003 — загадчык кафедры).
Навуковыя інтарэсы: нелінейны функцыянальны аналіз; прыбліжаныя метады; дыферэнцыяльныя і інтэгральныя ўраўненні; матэматычная эканоміка.