У Вікіпедыі ёсць артыкулы пра іншых асоб з прозвішчам Касцюковіч. У Вікіпедыі ёсць артыкулы пра іншых асоб з прозвішчам Пётр Касцюковіч.
Пётр Мікалаевіч Касцюковіч (22 лістапада 1937, в. Вяляцічы, Барысаўскі раён, Мінская вобласць — 9 лістапада 2014) — беларускі гідрагеолаг. Доктар тэхнічных навук (1997), кандыдат геолага-мінералагічных навук (1966), прафесар (1998).
Скончыў Маскоўскі дзяржаўны ўніверсітэт (1960), Ленінградскі горны інстытут (аспірантура, 1965).
Працаваў у Беларускім навукова-даследчым інстытуце меліярацыі і воднай гаспадаркі (1966—1991), Беларускім нацыянальным тэхнічным універсітэце (з 1992, будаўнічы факультэт, кафедра «Геатэхніка і экалогія ў будаўніцтве», прафесар).
Навуковыя інтарэсы: гідралагічныя аспекты зоны актыўнага водаабмену асадкавых парод.