wd wp Пошук:

Пётр Антонавіч Пестаў

Пётр Антонавіч Пестаў (руск.: Пётр Анто́нович Пе́стов; 28 снежня 1929, Шагурава, Уральская вобласць — 31 ліпеня 2011, Штутгарт) — савецкі і расійскі саліст балета, балетны педагог. Заслужаны артыст РСФСР (1973), заслужаны дзеяч мастацтваў Расійскай Федэрацыі (1994).

Біяграфія

Пётр Пестаў пачаў вучыцца танцу ў Свярдлоўскай балетнай школе. У час Вялікай айчыннай вайны пераехаў у Перм, дзе прадоўжыў навучанне ў Пермскім харэаграфічным вучылішчы. Тут яго педагогамі былі прадстаўнікі пецярбургскай балетнай школы Д. Ф. Гушаева, Сафія Тулуб’ева, Кацярына Гейдэнрэйх, а таксама Аляксандр Пушкін, які прыязджаў у Перм.

Пасля заканчэння вучылішча ў 1952—1958 годзе працаваў у Пермскім тэатры оперы і балета, потым пераехаў у Новасібірск, дзе стаў салістам Новасібірскага тэатра оперы і балета. Яго рэпертуар уключаў сольныя партыі: устаўное па дэ дэ («Жызэль»), Бажок («Чырвоны мак»), Блакітная птушка і Кот у ботах («Спячая прыгажуня»), Блазан і па дэ труа («Лебядзінае возера») і іншыя .

У 1958 годзе паступіў на першы набор педагагічнага аддзялення кафедры харэаграфіі ГІТІСа (курс прафесара Мікалая Тарасава). У 1963 годзе скончыў яго, атрымаўшы спецыяльнасць педагог-балетмайстар. У 1964—1996 гады — выкладчык старэйшых класаў Маскоўскага харэаграфічнага вучылішча. Пётр Пестаў — адзін з вядучых рускіх педагогаў мужчынскага танца, які злучыў традыцыі пецярбургскай і маскоўскай школ балета. Сярод яго вучняў прызнаныя зоркі Вялікага тэатра — Аляксандр Багатыроў, Вячаслаў Гардзееў, Валерый Анісімаў, Аляксандр Ветраў, Мікалай Цыскарыдзэ, сусветныя зоркі — Уладзімір Малахаў і Аляксей Ратманскі. Некаторы час у яго займаліся таксама Аляксей Федзеечаў і Саша Радзецкі. Многія з яго вучняў пазней сталі педагогамі і балетмайстрамі.

З 1996 года выкладаў у балетнай школе імя Джона Кранка пры Штутгарцкім балеце.

Тэмы гэтай старонкі (17):
Катэгорыя·Артыкулы пра асоб без партрэтаў
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Памерлі 31 ліпеня
Катэгорыя·Нарадзіліся ва Уральскай вобласці (РСФСР)
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Асобы
Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Вікіпедыя·Артыкулы са спасылкамі на элементы Вікідадзеных без подпісу
Катэгорыя·Нарадзіліся ў 1929 годзе
Катэгорыя·Заслужаныя дзеячы мастацтваў Расійскай Федэрацыі
Катэгорыя·Вікіпедыя·Ізаляваныя артыкулы/сірата0
Катэгорыя·Памерлі ў Штутгарце
Катэгорыя·Нарадзіліся 28 снежня
Катэгорыя·Заслужаныя артысты РСФСР
Катэгорыя·Памерлі ў 2011 годзе
Катэгорыя·Выпускнікі ДІТМа