У Вікіпедыі ёсць артыкулы пра іншых асоб з прозвішчам Навасад.
Пётр Аляксандравіч Навасад (15 ліпеня 1939, в. Шэлехава, Пухавіцкі раён, Мінская вобласць — 16 чэрвеня 1994) — беларускі спявак (барытанальны тэнар), заслужаны артыст Беларусі (1989).
Нарадзіўся 15 ліпеня 1939 года ў в. Шэлехава Пухавіцкага раёна Мінскай вобласці.
З 1960 года — артыст Дзяржаўнага акадэмічнага народнага хору Беларусі. Валодаў моцным, роўным ва ўсіх рэгістрах голасам прыгожага тэмбру вялікага дыяпазону, дакладнай інтанацыяй. Яго выканальніцкая манера вылучалася абаяльнасцю, шчырасцю, эмацыянальнасцю. Выконваў адказныя сола ў праграмах калектыву, у тым ліку беларускія і рускія народныя песні.
Памёр 16 чэрвеня 1994 года.