wd wp Пошук: ⬜

Пётр Іосіфавіч Лабко

У Вікіпедыі ёсць артыкулы пра іншых асоб з прозвішчам Лабко. Пётр Іосіфавіч Лабко́[1] (12 ліпеня 1929 — 22 жніўня 2011)[2] — вучоны ў галіне анатоміі, доктар медыцынскіх навук (1966), прафесар (1968), Заслужаны дзеяч навукі Рэспублікі Беларусь (1994).

Біяграфія

Нарадзіўся ў вёсцы Кухчыцы Клецкага раёна Мінскай вобласці. У 1961 годзе скончыў Мінскі медыцынскі інстытут і застаўся ў ім у аспірантуры пры кафедры нармальнай анатоміі. У 1955 годзе абараніў кандыдацкую дысертацыю. У 1954—1966 гг. на пасадзе асістэнта кафедры, у 1966—1967 гг. — дацэнт[3]. У 1966 годзе абараніў доктарскую дысертацыю на тэму «Строение узлов солнечного сплетения и их связей у животных и человека»[3]. У 1968—1975 гг. прафесар, у 1975—1988 гг. загадчык кафедрай нармальнай анатоміі. У 1967—1968 і 1988—1989 гг. П. І. Лабко працаваў на Кубе прафесарам-кансультантам у Гаванскім універсітэце і Медыцынскім універсітэце горада Сант’яга-дэ-Куба [2]. У 1989—1996 гг. П. І. Лабко зноў на пасадзе загадчыка кафедрай нармальнай анатоміі ў Беларускім дзяржаўным медыцынскім універсітэце, з 1996 года — прафесар[3].

Навуковая і грамадская дзейнасць

П. І. Лабко належаць навуковыя працы па параўнальна-марфалагічным і эксперыментальным вывучэнні вегетатыўнай нервовай сістэмы, уплыве неспрыяльных фактараў навакольнага асяроддзя на будову нервовай сістэмы і ўнутраных органаў.

Аўтар больш за 300 навуковых прац, 8 манаграфій і вучэбнага дапаможніка, 38 публікацый у замежных выданнях[3].

Пад кіраўніцтвам П. І. Лабко выкананы 35 кандыдацкіх і 3 доктарскія дысертацыі[3].

Удзельнік 20 міжнародных кангрэсаў і канферэнцый. Член прэзідыума і праўлення Усесаюзнага, старшыня Рэспубліканскага навуковага таварыства анатамаў, гістолагаў і эмбрыёлагаў. Член Каардынацыйнага савета Асацыяцыі анатамаў краін СНД, рэдакцыйных калегій часопісаў «Морфология» («Архив анатомии, гистологии и эмбриологии»), «Здравоохранение» («Здравоохранение Белоруссии»), Цэнтральнай метадычнай камісіі па анатоміі пры Міністэрстве аховы здароўя СССР[3]. Быў старшынёй савета БДМУ па абароне доктарскіх дысертацый[3]. Акадэмік Беларускай акадэміі экалагічнай антрапалогіі і Міжнароднай акадэміі ітэгратыўнай антрапалогіі[3].

Узнагароды

Ордэн Дружбы народаў (1986)
Ганаровая грамата Вярхоўнага Савета БССР (1979)
Дзяржаўная прэмія Рэспублікі Беларусь у галіне навукі і тэхнікі (1994, у аўтарскім калектыве) — за навучальны дапаможнік для студэнтаў медыцынскіх інстытутаў «Вегетатыўная нервовая сістэма» (атлас) 1988 года выдання.
Медаль «Ветэран працы»
Медаль «У азнаменаванне 100-годдзя з дня нараджэння Уладзіміра Ільіча Леніна»
Нагрудны знак «Выдатнік аховы здароўя Рэспублікі Беларусь»

Зноскі

↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта.
1 2 Лобко Пётр Иосифович (12.07.1929 — 22.08.2011)(руск.) // Гродзенскі дзяржаўны медыцынскі ўніверсітэт
1 2 3 4 5 6 7 8 Лобко Петр Иосифович(руск.) // Беларускі дзяржаўны медыцынскі ўніверсітэт

Літаратура

Лабко Пётр Іосіфавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8. — С. 82.

Спасылкі

Лобко Пётр Иосифович (12.07.1929 — 22.08.2011)(руск.) // Гродзенскі дзяржаўны медыцынскі ўніверсітэт
Лобко Петр Иосифович(руск.) // Беларускі дзяржаўны медыцынскі ўніверсітэт
Е. С. Околокулак (E.S. Okolokulak) СВЕТЯ ДРУГИМ, СГОРАЮ САМ (ПАМЯТИ ПРОФЕССОРА ЛОБКО П. И.)(руск.) // Часопіс Гродзенскага дзяржаўнага медыцынскага ўніверсітэта