wd wp Пошук: ⬜

Пётр Іванавіч Кальнін

У Вікіпедыі ёсць артыкулы пра іншых асоб з прозвішчам Кальнін. Пётр Іванавіч Кальнін (1872, г. Адэса, цяпер Украіна — пасля 1917) — беларускі архітэктар.

Біяграфія

Скончыў у 1896 годзе Пецярбургскі інстытут грамадзянскіх інжынераў. Працаваў у Магілёўскім губернскім праўленні, з 1906 года гарадскі, у 1907—1917 гадах Магілёўскі губернскі архітэктар.

Творчасць

Паводле яго праектаў у Магілёве ўзведзены будынкі дваранскага банка, крэдытнага таварыства, царква Трох Свяціцеляў; у Шклове — гарадская бойня і будынак папярова-кардоннага завода. Выкананыя ім 2 эскізныя праекты будынка Магілёўскага пазямельна-сялянскага банка выкарыстаны архітэктарам А. Друкерам; паводле яго эскізаў выкананы інтэр’еры асобных памяшканняў. Распрацаваў у 1913 годзе праекты будынкаў земства і рамеснай школы для Быхава, гандлёвых крам для Оршы, астрога для Рагачова, яўрэйскай гімназіі для Магілёва, рамеснай школы для Клімавіч.

Адрасы

У Магілёве жыў ва ўласным доме па вул. Малай Садовай (цяпер Піянерская)[1]. Гэты аднапавярховы прыватны дом існаваў да 1972 года, а потым быў знесены.

Зноскі

↑ Памятная книжка Могилевской губернии на 1910 год (руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.