Пячо́ры А́гтэлекскага і Слава́цкага ка́рстаў (славацк.: Jaskyne Slovenského a Aggteleckého krasu, венг.: Az Aggteleki-karszt és a Szlovák-karszt barlangjai, англ.: Caves of Aggtelek Karst and Slovak Karst) — адна з самых вялікіх у Еўропе карставых сістэм на мяжы Венгрыі і Славакіі, унесеныя ў спіс Сусветнай спадчыны ЮНЕСКА ў 1995 годзе. У 2000 годзе аб’ект дапоўнены Добшынскай лядовай пячорай.
Агулам на азначанай тэрыторыі знаходзіцца больш за 1300 пячораў, больш за 1000 з якіх — на тэрыторыі Славацкай рэспублікі. У спіс Сусветнай спадчыны трапілі толькі найбольш характэрныя з іх.