Путыла[1] (укр.: Путила) — пасёлак гарадскога тыпу ў Чарнавіцкай вобласці Украіны, цэнтр Путыльскага раёна. Размешчана ў межах Верхавінска-Путыльскага нізкагор’я Украінскіх Карпат, на Гуцульшчыне.
Упершыню згадваецца ў 1501 г. разам з іншымі населенымі пунктамі, якія кароль польскі і вялікі князь літоўскі Аляксандр перадаў Іoну Тэўтулу за тое, што той дапамог заключыць мір паміж Польшчай і Малдовай. У 1817 г. мясцовыя сяляне падалі скаргу імператару Францу II на тое, што на працягу 10 гадоў падаткі выраслі ў дзесяць разоў. У 1843 г. сялянам забаранілі карыстацца лесам, што прывяло да беспарадкаў. Адным з верхаводаў народных паўстанняў быў Лук’ян Кабыліца. У 1843 г. было арыштавана 14 верхаводаў народных паўстанняў, сярод якіх Лук’ян Кабыліца, Іван Галыця, Іосіф Бірлу. У чэрвені 2015 г. ў Путыле быў асвечаны новы храм - царква Святога Духа Праваслаўнай царквы Украіны. Будаваць гэты храм пачалі яшчэ ў 1990-х гг..