Птушкамлечнік парасоністы, Вярбельнік[3] (Ornithogalum umbellatum) — расліна сямейства Спаржавыя (Asparagaceae).
Невялікая шматгадовая травяністая расліна з цыбулінай. Мае 4-6 прыкаранёвых лістоў вузкалінейнай формы. Лісце серабрыстае, з белай палоскай пасярэдзіне. Суквецце — шчыток з белых, даволі буйных кветак. Пялёсткаў і тычынак у кветцы па 6.
Квітнее ў маі. Пасля цвіцення утвараецца плод — каробачка. Цыбуліна штогод павялічваецца ў 2 разы і прадукуе атожылкі-цыбулінкі.[4]
Распаўсюджаная ў Еўразіі, на блізкім Усходзе і ў Паўночнай Афрыцы. Сустракаецца ў светлых лясах і на схілах.
Культывуецца. Патрабуе перападаў тэмператур і не выжывае ў месцах, дзе пастаянна цяпло.[5] Часам дзічэе.