Прычарнаморская нізіна
Прычарнаморская нізіна — нізіна на поўдні Украіны, якая з’яўляецца часткай Усходне-Еўрапейскай раўніны. Уяўляе сабой плоскую, злёгку нахіленую на поўдзень раўніну, якая прылягае да Чорнага і Азоўскага мораў. Размешчана паміж дэльтай Дуная на захадзе і ракой Кальміус на ўсходзе. Вышыні ад -5 (блізка ад Куяльніцкага лімана), у сярэднім 90-150 м
Прычарнаморская нізіна складзена палеагенавымі і неагенавымі марскімі адкладамі (вапнякі, пяскі, гліны), перакрытымі лёсамі і лёсападобнымі суглінкамі.
Нізкія раўніны, перасечаныя шырокімі (з серыяй тэрас) далінамі рэк Дняпра, Паўднёвага Буга, Днестра і інш. Водападзелы плоскія; для іх характэрны западзіны-поды. Берагавая паласа пераважна абрывістая, часта з апоўзнямі.
Блізка ад мора размешчана шмат глыбокіх ліманаў (Дняпроўскі, Днястроўскі і інш.) і пясчаных кос, якія ўдадуцца ў мора.
Пераважаюць стэпавыя ландшафты з паўднёвымі чарназёмамі і цёмна-каштанавымі глебамі. Большая частка стэпаў разарана і выкарыстоўваецца як сельскагаспадарчыя землі.
Літаратура
- Прычарнаморская нізіна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.
Катэгорыя·Нізіны паводле алфавіта
Катэгорыя·Нізіны Украіны
Катэгорыя·Вікіпедыя·Спасылкі на Беларускую энцыклапедыю без нумароў старонак
Катэгорыя·Вікіпедыя·Спасылкі на Беларускую энцыклапедыю з назвай артыкула
Катэгорыя·Геаграфія Адэскай вобласці
Катэгорыя·Вікіпедыя·Спасылкі на Беларускую энцыклапедыю без аўтара