Прынц цемры
У гэтага паняцця ёсць і іншыя значэнні, гл. Князь Цемры.
Прынц Цемры (англ.: Prince of Darkness) - амерыканскі фільм жахаў 1987 года, зняты Джонам Карпэнтэрам. Фільм уваходзіць у так званую “Апакаліптычную Трылогію” Джона Карпэнтэра разам з “Нешта” (1982) і “У пашчы вар’яцтва” (1995). Фільм існуе у двух версіях: арыгінальнай і тэлевізійнай. Прэм’ера адбылася 23 кастрычніка 1987 года.
Ідэя зняць фільм прыйшла да Карпэнтэра падчас даследвання тэарэтычнай фізікі і тэорыі атама. Асноўнай мэтай было абгрунтаванне зла і яго камбінацыя з азначэннем матэрыі і антыматэрыі.
Сюжэт
Калі пробашч адной з закінутых цэркваў у Лос-Анджэлесе памірае, падрэ Луміс знаходзіць дзённік і ключ, якім адчыняе дзверы ў сутарэнне і знаходзіць там цыліндр з агіднай зялёнай вадкасцю. Святар тэрмінова просіць дапамогі ў прафесара Ховарда Байрака з мясцовага універсітэта. Прафесар Байрак запрашае каманду студэнтаў для даследванняў вадкасці і перакладу манускрыптаў, якія былі знойдзены ў сутарэнні.
Група даследчыкаў неўзабаве вынаходзіць, што вадкасць мае д’ябалскую сутнасць, бо утрымлівае прах самаго сына Сатаны. Менавіта з-за гэтага яна хранілася зачыненая ў сутарэнні царквы шматлікія стагоддзі. Даследванні і эксперыменты абуджаюць д’ябалскага сына, і, калі студэнтка С’юзан падыходзіць бліжэй да кантэйнера, вадкасць атакуе яе. С’юзан пераўтвараецца ў жывога мерцвяка і пачынае пераўтвараць іншых даследчыкаў з дапамогай вадкасці ў падобных на сябе. Група студэнтаў падвяргаецца нападам зомбі ў не толькі ў самой царкве, але і звонку, што робіць уцёкі немагчымымі. У той жа час усе, хто заблакаваны ў будынку царквы пачынаюць бачыць адзін і той жа сон, які з кожным разам робіцца больш дэталёвым. Сон падобны на перадачу інфармацыі з будучыні з заклікам змяніць хаду падзей.
Нарэшце ўся зялёная вадкасць усмоктваецца ў цела дзяўчыны Келлі, якая робіцца судзінай для Антыхрыста. Галоўнай мэтай Антыхрыста з’яўляецца адкрыццё партала у іншае вымярэнне праз вялікае люстэрка, адкуль павінен прыйсці Анты-Бог. У момант адкрыцця партала Кэтрын ахвяруе сабой, штурхае Келлі разам з Антыхрыстам у люстэрка-партал, дзе знікае ў цемры. У гэты момант святар разбівае люстэрка і тым самым зачыняе партал. Пясля гэтага ўсе зомбі гінуць, а натоўп прыхільнікаў Сатаны звонку разыходзіцца.
Пад канец фільма, Брайан Марш, бойфрэнд Кэтрын, зноў бачыць той жа сон, што і ў царкве, але зараз ён разумее, што перадачу інфармацыі з будучыні робіць Кэтрын.
У ролях
| Акцёр | Роля |
|---|---|
| Дональд Плэзанс | святар Луміс |
| Віктар Вонг | прафесар Ховард Байрак |
| Джэймсан Паркер | Брайан Марш |
| Ліза Блаўнт | Кэтрын Дэнфорт |
| Дэніс Дан | Уолтэр |
| С'юзан Бланшар | Келі |
| Эн Ховард | С'юзан |
| Эн Ен | Ліза |
| Кен Райт | Ломакс |
| Дзірк Блокер | М'юлінз |
| Джэсі Лорэнс Фергюсан | Кэлдэр |
| Эліс Купер | вулічны вар'ят |
Здымкі і пракат
Фільм знялі ў Лос-Анджэлесе ўсяго за 30 дзён. У пракаце фільм знаходзіўся ўсяго 3 тыдні. Першы тыдзень фільм скончыў на другім месцы, сабраўшы $4.657.401. На другім і трэцім тыднях фільм трымаўся на 5 і 14 месцах адпаведна, агулам назбіраўшы $11.176.100 у ЗША.
Вонкавыя спасылкі
- «Князь Цемры» на сайце «Internet Movie Database» (англ.)
- Князь Цемры на сайце «Box Office Mojo» (англ.)
- «Князь Цемры» на сайце «Rotten Tomatoes» (англ.) (рэйтынг 57% па выніках 23 водгукаў)
Катэгорыя·Фільмы жахаў ЗША
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Фільмы Джона Карпэнтэра
Катэгорыя·Фільмы паводле алфавіта
Катэгорыя·Фільмы 1987 года
Катэгорыя·Іншыя значэнні: старонка не існуе