Пралобна — возера на мяжы Расонскага раёна Віцебскай вобласці і Пскоўскай вобласці Расіі, за 37 км на ўсход ад гарадскога пасёлка Расоны, каля вёскі Уклеенка, у басейне ракі Дрыса.
Плошча паверхні 0,87 км². Даўжыня 1,97 км, найбольшая шырыня 0,61 км. Найбольшая глыбіня 8,0 м, сярэдняя — 5,0 м. Даўжыня берагавой лініі 4,93 км. Плошча вадазбору 13,4 км².
Катлавіна возера складаецца з двух плёсаў. Дно возера пясчана-глеістае. На поўначы возера злучана пратокай з ракой Дрыса.