Пенніца альховая[1] (Aphrophora alni) — від пенніц.
Палеарктыка: Еўропа, Паўночная і Малая Азія, Паўночная Афрыка[2].
Дробныя раўнакрылыя насякомыя, даўжыня 8-10 мм. Сустракаюцца на лугавых травах, на ўзлесках, у садах і парках. Верх у валасінках. Шчыток плоскі. Знешні край стылуса ўвагнуты. Надкрылы шаравата-бурыя, звонку з касой светлай плямай перад сярэдзінай і з такой жа перад вяршыняй. Лічынкі жывуць на раслінах у камячках утваранай імі пены, у якіх і ліняюць у імага[3].