Паўднёва-Брэтанскі ўніверсітэт (фр.: Université Bretagne-Sud) — французская дзяржаўная вышэйшая навучальная ўстанова са статусам універсітэта з кампусамі ў гарадах Лар’ян і Ван.
Універсітэт размешчаны ў дэпартаменце Марбіян у французскім рэгіёне Брэтань. Заснаваны ў 1995 годзе, ён з’яўляецца чацвёртым і самым маладым універсітэтам Брэтані. Шэсць кампанентаў універсітэта размешчаны ў кампусах у гарадах Лар’ян і Ван. З 2001 года ў Панціві створаны філіял Лар’янскага тэхналагічнага інстытута. Універсітэт з’яўляецца даволі шматпрофільным (сацыяльныя навукі, мастацтва, біялогія, хімія, права, эканоміка, менеджмент, геаграфія, гісторыя, IT, замежныя мовы, літаратура, матэматыка і інш.). Штогод ён навучае амаль 10 000 студэнтаў.