wd wp Пошук:
    ⬜

    Пачакун

    Homunculus loxodontus  (у Беларусі больш вядомая як «Пачаку́н») — скульптура галандскай мастачкі Маргрыт ван Брэварт (нідэрл.: Margriet van Breevoort), створаная ў 2016 годзе для Лейдэнскага ўніверсітэта (Нідэрланды). Першапачаткова ўстаноўлена перад дзіцячай бальніцай у Лейдэне[1]. Станам на люты 2017 года, скульптура перанесена ўнутр медыцынскага цэнтра[en] Лейдэнскага ўніверсітэта, у хол з больш як 10 іншымі скульптурамі[2][3]. На 19 лютага 2017 года, скульптура размешчана каля ўваходу ў Лейдэнскі ўніверсітэцкі медыцынскі цэнтр[4]

    Новае месца размяшчэння Пачакуна каля ўваходу ў шпіталь 19 лютага 2017

    Скульптура ўяўляе сабой бязногую істоту шэрага колеру з галавой паўночнага марскога слана, целам гіганцкай лічынкі і рукамі пажылога чалавека, якая сядзіць на крэсле ў пакоі чакання[5][6].

    У студзені 2017 года яна стала папулярным мемам на постсавецкай прасторы.

    Стварэнне скульптуры

    Галава марскога слана

    Бальніца пры Лейдэнскім універсітэце вылучыла Маргрыт ван Брэварт грант на стварэнне скульптуры[7] для штогадовага конкурсу, які праводзіцца фондам «Скульптуры ў Лейдэне». Тэмай конкурсу 2016 гады былі біялагічныя навукі[8].

    Мастачка доўга разважала над тэматыкай будучай скульптуры, таму што яна не хацела адлюстроўваць штосьці, звязанае з медыцынай ці хваробамі[6]. Яна звярнула ўвагу на людзей, якія сядзяць у чарзе да ўрача ў чаканні дыягназу, і вырашыла прысвяціць сваю скульптуру пацыентам[6][7]. Паводле слоў Маргрыт ван Брэварт, сваёй скульптурай яна хацела паказаць, што «пацыенты проста павінны чакаць сваёй долі з надзеяй на лепшае»[6]. Акрамя таго, мастачка паставіла перад сабой задачу зрабіць гэтага пацыента прывабным і мілым, каб з ім было камфортна і ён мог бы выклікаць смех[6]. Мастачка таксама зазначыла[6], што «мой персанаж — свайго роду няўдалы эксперымент, ён чакае і спадзяецца на тое, каб стаць лепш. Ён нібыта вялікі мілы камяк цела, які хочацца абняць». Скульптура створана з пластыку і эпаксіднай смалы, якія пры змешванні ўтвараюць рэчыва, якое нагадвае гліну — навобмацак яно цвёрдае і шурпатае[8].

    У 2016 годзе скульптура стала самай фатаграфаванай славутасцю Лейдэна[9].

    Паводле звестак на люты 2017 года[7][10], мэрыя ўкраінскага горада Дніпро вядзе перамовы з Маргрыт ван Брэварт аб ўстаноўцы ў цэнтры горада двухмятровай бетоннай копіі скульптуры.

    Мем

    У студзені 2017 года, пасля размяшчэння фатаграфіі скульптуры на сайце Pikabu.ru[7][11], яна стала папулярным мемам у Рунэце пад назвай «Ждун»[12][13][14][15][16], ва Уанэце пад назвай «Почекун»[17][18][19] і ў Байнэце пад назвай «Пачакун».

    24 лютага 2017 года народны дэпутат Украіны Барыслаў Бяроза прынёс у сесійную залу Вярхоўнай Рады фігуру «Пачакуна», якую перад пачаткам пасяджэння і выступленнямі членаў Кабінета міністраў паставілі на парламенцкую трыбуну[20]. Дэпутат назваў Пачакуна сімвалам чаканняў украінскага грамадства[21].

    Расійскі палітолаг і журналіст Дзмітрый Травін назваў Пачакуна нацыянальным сімвалам Расіі. Паводле яго меркавання, рускі Пачакун — сумны, гультаяваты і млявы, але пры гэтым сімпатычны і аптымістычны: ён «звесіў нос і паклаў ручкі на жывоціку» ў чаканні змен да лепшага, паколькі «у краіне даўно пануе застой і няма ўмоў ні для палітычнай, ні для грамадзянскай, ні для інвестыцыйнай актыўнасці»[22]. Падобнае меркаванне выказаў сацыёлаг Аляксей Рошчын, які адзначыў, што вобраз Пачакуна, пры ўсёй сваёй прывабнасці, адлюстроўвае таксама і прыхаванай незадаволенасць людзей: «Гэта знак усеагульнага згалення, як інтэлектуальнага, так і духоўнага, паколькі ў Расіі не адбываецца нічога цікавага»[23].

    Галандскае выданне Mare(гал.) бел. адзначыла, што «ў Расіі, дзе чалавек бяссільны супраць бюракратыі, бясконцае чаканне з’яўляецца важнай часткай паўсядзённага жыцця», а ва ўмовах калі «сацыяльныя праблемы не могуць быць вырашаны легітымным парламентам, незалежнай судовай сістэмай ці дэманстрацыямі», інтэрнэт-сатыра застаецца адзіным спосабам выказвання незадаволенасці ўладай, што абумовіла папулярнасць мема[24]. Рэпарцёр Le Monde Ізабель Мандро звязвае папулярнасць вобраза як з успамінамі пра савецкія часы, «калі трэба было з ранняй раніцы займаць чэргі перад гастраномамі ці месяцамі чакаць мэблю», так і з няўдачамі расійскіх рэформаў[25].

    Расійскае выданне «Игромания» у артыкуле пра Пачакуна распавяло пра ўплыў персанажа на поп-культуру і на аўдыторыю аматараў відэагульняў.

    Пачакуна пачалі ўстаўляць у карціны класічных і сучасных майстроў, у кінакадры і фатаграфіі. Пачакун апынуўся да месца амаль усюды і заўсёды. У любую сітуацыю ён уносіць элемент спакойнага і крышачку здзіўленага спакою.

    — гульнявы часопіс «Игромания»[26]

    На хвалі папулярнасці Пачакуна ў Інтэрнэце пачалі прадавацца цацкі, фігуркі, крэслы-мяшкі і буйныя скульптуры ў выглядзе мема[27]. Яго таксама прадавалі ў якасці падарунку да Дня Святога Валянціна, на 23 лютага і 8 сакавіка[28].

    У горадзе Чыта на рэтра-пляцоўцы парка Дома афіцэраў ўсталявалі копію скульптуры.

    Зноскі

    1. ↑ Sculptures in Leiden exhibition is intriguing and endearing.
    2. ↑ Homunculus Loxodontus nu te zien in LUMC
    3. ↑ Как найти Ждуна
    4. ↑ Пачакуна перанеслі
    5. ↑ Прэс-рэліз Лейдэнскага ўніверсітэта пра адкрыццё скульптуры
    6. 1 2 3 4 5 6 «Россияне узнают в нём себя» // Эхо Москвы, 6 февраля 2017.
    7. 1 2 3 4 Автор Ждуна: эта скульптура изменила мою жизнь // Русская служба Би-би-си, 6 лютага 2017.
    8. 1 2 Инесса и Полина Филатовы. Скульптура, ставшая мемом. «АиФ» навестил Ждуна (нявызн.). Аргументы и факты (8 лютага 2017). Праверана 12 лютага 2017.
    9. ↑ Homunculus Loxodontus wint publieksprijs bij Beelden in Leiden / Door LEVEN!
    10. ↑ Двухметрового бетонного Ждуна решили установить в центре Днепра. // «Интерфакс», 6 февраля 2017.
    11. ↑ Ожидание врача — Пикабу
    12. ↑ Вокруг шум: что за Ждун и кто его создал (нявызн.). Meduza (30 студзеня 2017). Праверана 10 лютага 2017.
    13. ↑ В сети появился мем «Ждун» (нявызн.). Lenta.ru (26 студзеня 2017). Праверана 10 лютага 2017.
    14. ↑ Новый мем Рунета. Почему Россия влюбилась в Ждуна? (нявызн.). BFM.ru (8 лютага 2017). Праверана 10 лютага 2017.
    15. ↑ Мем: Ждун (нявызн.) (недаступная спасылка). TJournal (25 студзеня 2017). Архівавана з першакрыніцы 11 лютага 2017. Праверана 10 лютага 2017.
    16. ↑ Паламарчук, Мария. Как Ждун превратился в мем (нявызн.). Life (3 лютага 2017). Праверана 10 лютага 2017.
    17. ↑ Вокруг сплошной Ждун. Подборка (нявызн.) (недаступная спасылка). 112 Украина (6 лютага 2017). Архівавана з першакрыніцы 11 лютага 2017. Праверана 10 лютага 2017.
    18. ↑ Кондак, Денис. Кто такой Ждун? Как голландская скульптура превратилась в популярный интернет-мем (нявызн.). Гордон (7 лютага 2017). Праверана 10 лютага 2017.
    19. ↑ Ждун захопив уми українців (нявызн.) (недаступная спасылка). Хронограф (31 студзеня 2017). Архівавана з першакрыніцы 3 лютага 2017. Праверана 10 лютага 2017.
    20. ↑ В Раде появился “Ждун” (нявызн.). Украинская правда (24 февраля 2017).
    21. ↑ Береза объяснил, зачем принес в Раду Ждуна. (нявызн.). NewsOne (24 февраля 2017).
    22. ↑ Травин, Дмитрий. Русский ждун (нявызн.). Ведомости (9 лютага 2017). Праверана 10 лютага 2017.
    23. ↑ Ждун, фетиш терпения и символ России, которая не может больше ждать (нявызн.). Инопресса (2 сакавіка 2017). Праверана 3 сакавіка 2017.
    24. ↑ Eindeloos wachten ligt de Russen wel(гал.) . Mare(гал.) бел. (9 лютага 2017). Праверана 10 лютага 2017.
    25. ↑ Мандро, Изабель. Ждун — символ России, которая устала ждать (нявызн.). ИноСМИ.ру (2 сакавіка 2017). Праверана 3 сакавіка 2017.
    26. ↑ Светлана Нелипа. Ждун и все-все-все. Герой нового мема в видеоиграх. (нявызн.). Игромания (1 лютага 2017).
    27. ↑ Важдаева, Нина. Ждун денег. Как зарабатывают на самом популярном меме (нявызн.). Life.ru (17 лютага 2017). Праверана 10 лютага 2017.
    28. ↑ Шашина, Наталья. Ждун в подарок. Вязаный, войлочный, флисовый (нявызн.). BFM.ru (18 лютага 2017). Праверана 10 лютага 2017.

    Спасылкі

    Тэмы гэтай старонкі (7):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Лейдэнскі ўніверсітэт
    Катэгорыя·З’явіліся ў 2016 годзе
    Катэгорыя·Інтэрнэт-мемы
    Катэгорыя·Старонкі з няправільным сінтаксісам спасылак на крыніцы
    Катэгорыя·Скульптуры паводле алфавіта
    Катэгорыя·Скульптура Нідэрландаў