Пачаевіцкі касцёл — колішні касцёл у вёсцы Пачаевічы Чашніцкага раёна Віцебскай вобласці. Пазней вядомы як праваслаўная царква Покрыва святой Багародзіцы[1][2]. Размяшчаецца на ўсходняй ускраіне вёскі.
Твор архітэктуры позняга барока — двухвежавая аднанефавая базіліка. Фасад фланкіравалі пастаўленыя вуглом чатырохгранныя ярусныя вежы; па цэнтры вылучаўся авальна-арачнымі ўваходным і аконным праёмамі. Выкарыстана крапоўка арачнымі нішамі[3].