Паляўнічы і рыбалоў — газета для паляўнічых, рыбаловаў, аматараў прыроды. Выдаецца ў Мінску з 1990 года на беларускай і рускай мовах 2 разы ў месяц Беларускім таварыствам паляўнічых і рыбаловаў. Асвятляе дзейнасць паляўнічых і рыбалавецкіх арганізацый Беларусі, прапагандуе паляванне і рыбную лоўлю як форму рацыянальнага прыродакарыстання, барацьбу з браканьерствам, знаёміць з афіцыйнымі распараджэннямі па пытаннях палявання і рыбнай лоўлі. Друкуе вершаваныя і празаічныя творы пра прыгажосць роднага краю, жыццё і звычкі звяроў.