wd wp Пошук: ⬜

Пальчатакарэннік балтыйскі

Пальчатакарэннік балтыйскі, Пальчатакарэннік доўгалісты, Ятрышнік балтыйскі[3] (Dactylorhiza longifolia) — від шматгадовых травяністых раслін сямейства Архідныя.

Батанічнае апісанне

Сцябло полае, прамое, вышынёй 40—70 см. Лісце ланцэтнае, завостранае, часта прыціснутае да сцябла. На лісцях маюцца дробныя плямы. Суквецце — колас. Лісцікі прыкветніка фіялетавага колеру, губа з цёмна-фіялетавымі плямамі, трохлопасцевая. Цвіце ў чэрвені—ліпені. Плод — каробачка. Размнажаецца насеннем.

Арэал і экалогія

Сустракаецца ў Беларусі, еўрапейскай частцы Расіі, у паўночных і цэнтральных яе раёнах, у Прыбалтыцы, на Алтаі. Знойдзены таксама ў Скандынавіі і Цэнтральнай Еўропе.

Расце на балотах, сырых лугах і ў лясах, зарасніках хмызняку, берагах вадаёмаў.

Ахоўны статус

Від, занесены ў Чырвоную кнігу Расіі(руск.) бел.. Занесены ў Дадатак 2 Канвенцыі аб міжнародным гандлі відамі дзікай фаўны і флоры, знаходзячыміся пад пагрозай знішчэння (CITES)[4]

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 89. — 160 с. — 2 350 экз. — у крыніцы пад назвай Orchis baltica Klinge
↑ Міністэрства прыродных рэсурсаў і аховы навакольнага асяроддзя Рэспублікі Беларусь(недаступная спасылка) (руск.)

Спасылкі

Красная книга Российской Федерации Архівавана 20 снежня 2007. (руск.)
Красная книга Тюменской области Архівавана 27 верасня 2016. (руск.)
Красная книга Пермского края Архівавана 6 сакавіка 2013. (руск.)
Пальчатокоренник балтийский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)