Палескія школы дойлідства сфармаваліся ў XVII—XVIII стст. у драўляным грамадзянскім і культавым дойлідстве Беларускага Палесся, традыцыі школ развіваліся да пачатку ХХ ст. Вылучаліся самабытнымі канструкцыйнымі і мастацкімі прыёмамі стварэння дойлідскіх формаў. Адрозніваюць заходнепалескую, якая склалася ў межах сучаснай Брэсцкай вобласці паміж Брэстам і Пінскам, і ўсходнепалескую (прыпяцкую) школы, якая склалася ў Прыпяцкім Палессі і верхнім Падняпроўі (у межах сучасных Гомельскай, усходу Брэсцкай і поўдні Мінскай абласцей).