Павел Сямёнавіч Матышэўскі (10 кастрычніка 1919, в. Клешава, Слуцкі павет, Мінская губерня — 11 лістапада 2001, Кіеў) — савецкі правазнавец. Доктар юрыдычных навук (1971), прафесар (1971), акад. АПрНУ (2000).
Нарадзіўся 10 кастрычніка 1919 года ў в. Клешава Слуцкага павета Мінскай губерні (цяпер — Слуцкі раён Мінскай вобласці).
Вучыўся ў Мінскім медыцынскім інстытуце (1939) і Азербайджанскім універсітэце (1942—1944). Удзельнік Вялікай айчыннай вайны.
Скончыў Кіеўскі ўніверсітэт (1946), дзе з тых часоў і працаваў: 1971—1987 — загадчык, 1987—1995 — прафесар кафедры крымінальнага права і крыміналогія, у той жа час 1974—1983 — дэкан юрыдычнага факультэта. З 1997 года — прафесар кафедры крымінальнага правасуддзя Запарожскага ўніверсітэта. З 1999 года — прафесар кафедры крыміналістыкі, крымінальнага права і працэсу Акадэміі працы і сацыяльных адносін (Кіеў).
Памёр 11 лістапада 2001 года ў Кіеве.