У Вікіпедыі ёсць артыкулы пра іншых асоб з прозвішчам Месмер.
Ота Геранімавіч Месмер (руск.: Отто Геранимович Мессмер, ням.: Otto Messmer; 14 ліпеня 1961, Караганда, Казахстан — 28 кастрычніка 2008, Масква) — расійскі рымска-каталіцкі дзеяч, кіраўнік езуітаў краін СНД (2002—2008).
З шматдзетнай каталіцкай сям’і нямецкага паходжання. У 1 верасня 1982 у Вільнюсе ўступіў у ордэн езуітаў. 29 мая 1988 рукапакладзены ў святары. У ліпені 1988 пасля сканчэння Рыжскай вышэйшай каталіцкай духоўнай семінарыі па накіраванні кардынала Юліяна Вайвадса прыехаў служыць у Цалінаград (цяпер — Астана). Затым быў рэктарам Новасібірскай каталіцкай перадсемінарыі. Вечныя шлюбы склаў 2 кастрычніка 2001. Ад 2002 — старшыня Незалежнага Расійскага рэгіёна Таварыства Ісуса. У 2008 быў забіты разам з эквадорскім святаром Вікторам Бетанкурам.