У Вікіпедыі ёсць артыкулы пра іншых асоб з прозвішчам Грабніцкі. Отан Мікалаевіч Грабніцкі (12 сакавіка 1829, маёнтак Арэхаўна, Лепельскі павет — 19 студзеня 1865, Екацярынбург) — адзін з кіраўнікоў паўстання 1863—1864 гадоў у Беларусі[1].
Нарадзіўся ў маёнтку свайго бацькі Мікалая Антонавіча Грабніцкага.
З 1854 года ў арміі, за рэвалюцыйную дзейнасць заключаны на 2 гады ў Петрапаўлаўскую крэпасць, потым адпраўлены ў армію радавым[1].
У 1863 годзе камандаваў паўстанцкім атрадам у Віцебскай губерні. Асуджаны на 6 гадоў катаргі, памёр па дарозе ў Сібір[1].
Пасля смерці Отана маёнтак Арэхаўна быў набыты яго стрыечным братам Адамам Грабніцкім-Дактаровічам, вядомым біёлагам і памолагам[2].