Ніжняе Стунжава — вёска на тэрыторыі Верхнядзвінскага раёна Віцебскай вобласці, знішчаная гітлераўскімі акупантамі разам з жыхарамі. Знаходзілася за 2 км на поўдзень ад вёскі Сар’я.
Перад вайной насельніцтва складала 73 чалавек.
16 лютага 1943 г. у час карнай аперацыі Winterzauber гітлераўцы загубілі 64 жыхароў, вёску (12 двароў) спалілі. Пасля вайны не адрадзілася.
У 1982 годзе на месцы былой вёскі насыпаны курган, пастаўлена стэла. Увекавечана ў мемарыяльным комплексе Хатынь.